“Бала ырысы” жөлөк пулун кандай шарттарда алса болот?
“Бала Ырысы” жөлөк пулу 1-июлдан тарта 3 жашка чейинки балдарга, үй-бүлөнүн социалдык экономикалык абалына карабастан жана 3 жашка чейинки бала ата-энеси менен же баккан адам менен чогуу жашаган учурда, “Бала Ырысы” ар айлык мамлекеттик жөлөк пулу 1200 сом өлчөмүндө киргизилүүдө.
Кыргызстандын калкынын 38%ын балдар түзөт. Улуттук статистика комитетинин маалыматтарына ылайык, балдар арасындагы жакырчылыктын деңгээли 33%ды түзүп бүгүнкү күндө өлкөдө ар бир үчүнчү бала жакырчылыкта жашайт, андан тышкары жетишсиз тамактануудан жабыркап алардын өсүшүндө артта калуу байкалууда, андан тышкары 3 жашка чейинки балдардын ичинде жакырчылыктын деңгээли эң жогору болуп белгиленген.
Мамлекет боюнча божомолдоонун негизинде 440 миңден 470 миңге чейин балдар “Бала ырысы” жөлөк пулун алууга укутуу болушат.
Мамлекет менен жарандардын ортосундагы бирдиктүү автоматташтырылган тутумун өнүктүрүү боюнча, министрлик “Элдик Банк” ААК менен биргеликте иш алып барууда.
“Бала ырысы” ар айлык жөлөк пулун дайындоого арызды электрондук түрдө "Түндүк" мобилдик тиркемеси аркылуу берүү, ошондой эле жашаган жери боюнча түздөн-түз социалдык камсыздоо чөйрөсүндөгү аймактык бөлүмгө арыз берүү каралган.
“Түндүк” мобилдик тиркемеси аркылуу арыз берүүдө бардык талап кылынган документтерди санариптештирүү маанилүү, анткени “Түндүк” автоматтык түрдө документтерди тартып көрсөтөт.
Эгерде көрсөтүлгөн документтер “Түндүктө” автоматтык түрдө чагылдырылбаса, арыз берүүчү документтерди санариптештирүү максатында жашаган жери боюнча Калкты тейлөө борборлоруна кайрылууга тийиш.
Ошондой эле тактап кетсек, баланын жашаган жери менен арыз берүүчүнүн жашаган жери бир чыгыш керек, бул маалымат Санарип-Аймакта болгондуктан жергиликтүү аймактык башкармалыктарга же айыл өкмөтүнө кайрылыш керек.
Жашаган жери боюнча түздөн-түз социалдык камсыздоо чөйрөсүндөгү аймактык бөлүмгө арыз берүүдө, жеке идентификациялык номерин көрсөтүү менен, арыз ээсинин паспорту, баланын туулгандыгы тууралуу күбөлүк талап кылынат.
“Бала ырысы” жөлөк пулуна 3 жашка чейинки балдардын мыйзамдуу өкүлдөрү, жана ишеним кат берилген ишенимдүү адам кайрыла алат. Ошондой эле кайрылмандын күбөлүгү бар адамдар кайрыла алышат.
Ошону менен бирге, эгер кандайдыр бир себептер менен арыз тапшыра албаса, же кандайдыр бир суроолор болсо министрликтин байланыш номери 111 ге кайрылса болот, же болбосо “Түндүк” мобилдик тиркемеде автоматтык түрдө кайрылуу жазса болот.
