Кыргызстанда дан эгиндеринин аянты 486 миң гектарды түзөт

Суу ресурстары, айыл чарба жана кайра иштетүү өнөр жайы министрлиги тарабынан 2026-жылдын оруп-жыюу өнөктүгүн өз убагында жана уюшкандыкта өткөрүүгө багытталган даярдык иштери улантылууда.

Айыл чарба министрлигинин маалыматына ылайык, бүгүнкү күндө айыл чарба техникаларын оңдоо жана сезонго даярдоо иштери дыйкан-фермер чарбаларынын жана айыл чарба субъекттеринин механизаторлору тарабынан активдүү жүргүзүлүп жатат.

Учурда республика боюнча:

тракторлордун жалпы саны – 22 358 даана, анын ичинен техникалык жактан даяр болгону – 21 043 даана же 94%;

дан жыйноочу комбайндар – 1 836 даана, анын ичинен даяр болгону – 1 434 даана же 78 %;

чөп чапкычтар – 4 298 даана, анын ичинен даяр болгону – 3 934 даана же 91%;

чөп таңгычтар – 3 985 даана, анын ичинен даяр болгону – 3 596 даана же 90 %;

дан тазалоочу машиналар – 423 даана, анын ичинен даяр болгону – 368 даана же 87%;

трактор чиркегичтери – 8 942 даана, анын ичинен даяр болгону – 8 150 даана же 91%.

2026-жылы республика боюнча кылкандуу дан эгиндеринин жалпы аянты 486 090 гектарды түзөт. Дан эгиндерин жыйноого 1 822 дан жыйноочу комбайн тартылат. Натыйжада бир дан жыйноочу комбайнга орточо эсеп менен 267 гектар айдоо аянты туура келет.

Министрлик тарабынан оруп-жыюу өнөктүгүн өз мөөнөтүндө өткөрүү, техникалардын үзгүлтүксүз иштөөсүн камсыздоо жана түшүмдү жоготуусуз жыйнап алуу боюнча тиешелүү уюштуруу иш-чаралары жүргүзүлүүдө.