Бишкектеги 8 конушка газ киргизилет
2026-жылдан тарта Бишкек шаар куруу жана архитектура башкы башкармалыгынын адистери Жал, Сарбан, Төмөнкү Орок, Жогорку Орок, Эне-Сай, Жер-Ынтымагы, Селекция жана Биримдик турак жай массивдерин газ тармактарына кошуу үчүн инженердик-техникалык шарттарды иштеп чыкты.
Курулуш министрлигинин маалыматына ылайык, даярдалган документтер буйрутмачы болгон “Газпром Кыргызстан” ЖЧКсына өткөрүлүп берилди. Иштелип чыккан инженердик-техникалык шарттар турак жай массивдерин газ бөлүштүрүү тармактарына кошуунун техникалык параметрлерин аныктайт жана газ түтүктөрүн долбоорлоо менен кийинки курулуш иштерине негиз болуп кызмат кылат. Бул документтерди даярдоо аталган аймактарды борборлоштурулган газ менен камсыздоого багытталган маанилүү этап болуп эсептелет.
Аткарылып жаткан иштер Бишкек шаарынын жаңы жана активдүү курулуп жаткан райондорунда инженердик инфраструктураны комплекстүү өнүктүрүү милдеттерине ылайык жүргүзүлүүдө жана шаар тургундарынын жашоо шарттарын жакшыртууга багытталган.
Долбоорду ишке ашыруу турак жай массивдерин заманбап жана ишенимдүү газ менен камсыз кылууга шарт түзүп, шаардык инфраструктуранын мындан аркы өнүгүшүнө өбөлгө болот.
