Жети-Өгүздө курулуп жаткан жолдордун сапаты текшерилет
Курулуш, архитектура жана турак жай-коммуналдык чарба министрлигине караштуу Курулушта сертификаттоонун республикалык борборунун адистери өлкө боюнча жол инфраструктурасынын объекттеринин сапатын туруктуу негизде көзөмөлдөп келет.
Курулуш министрлигинин маалыматына ылайык, кезектеги көчмө текшерүүнүн алкагында Ысык-Көл облусунун Жети-Өгүз районундагы унаа жолдорунун курулушу текшерилди. Көзөмөл иштери Жеңиш, Кызыл-Суу, Сүттүү-Булак, Боз-Бешик, Ак-Терек жана Ак-Дөбө айылдарындагы жол тилкелерин камтыды.
Текшерүү учурунда адистер лабораториялык сыноолорду жүргүзүү үчүн жол катмарынын керн үлгүлөрүн алды. Изилдөөлөрдүн жыйынтыгына ылайык аткарылган иштердин сапаты долбоордук документтердин жана курулуш ченемдеринин талаптарына шайкеш келүүсү бааланат.
Жол курулушунун сапатын көзөмөлдөө иштери туруктуу негизде жүргүзүлүп, аткарылып жаткан иштердин курулуш ченемдерине шайкештигин, ошондой эле транспорттук инфраструктура объекттеринин ишенимдүүлүгүн, узак мөөнөттүүлүгүн жана коопсуздугун камсыздоого багытталган.
