Чүйдө 20 миң бодо малды бордоп семиртүү долбоору ишке ашырылат
Суу ресурстары, айыл чарба жана кайра иштетүү өнөр жайы министрлиги азык-түлүк коопсуздугун камсыз кылуу жана Бишкек шаарында эттин баасын турукташтыруу максатында Чүй облусунда ири көлөмдөгү бодо мал бордоп семиртүүчү чарбаларды уюштуруу долбоорун ишке ашырууда. Бул тууралуу Айыл чарба министрлигинен билдиришти.
Маалыматка ылайык, долбоор министрликтин өз каражаттарынын эсебинен каржыланат. Баштапкы этапта бордоого 2 500 баш бодо мал киргизилет. Долбоор этап-этабы менен кеңейтилип, жакынкы эки жылдын ичинде бордоп семиртилүүчү бодо малдын саны 20 000 башка жеткирилет.
Министрлик бул демилге ички базардын керектөөсүн камсыз кылуу менен катар, мал чарбачылыгынын өндүрүштүк мүмкүнчүлүктөрүн кеңейтүүгө, жаңы жумуш орундарын түзүүгө жана агроөнөр жай комплексинин туруктуу өнүгүшүнө олуттуу салым кошоруна ишеним артат.
