Бишкектиги завод 323 миң тонна таштанды иштеп чыгарды
Бишкектин мэри Айбек Жунушалиев шаарды өнүктүрүүгө карата өткөрүлгөн 2-октябрдагы илимий-практикалык конференцияда таштандыларды кайра иштеп чыгаруучу завод 323 миң тонна таштандыны иштеп чыгарганын билдирди.
Анын сөзүнө караганда мурун таштандылар жөн гана таштандыга ташталчу. Азыр болсо иштелип чыгарылууда.
"Биз таштандыларды иштеп чыгаруучу жаңы заводдорду куруп, кыш жана шиферлерди өндүрөбүз"-деди Жунушалиев.
Долбоордун наркы 230 миллион долларлык 2-этабы башталып жатат.
Мэрдин сөзүнө караганда курулуштар бүткөн соң Чүй облусун таштандыдан тазалоого мүмкүн болот. Таштандыны кайра иштетүүнүн көлөмүн 400 миң тоннага чейин жеткирүүгө болот.
Мэр долбоордун 2-этабы аяктагандан кийин пайда болгон таштандылардын баарын кайра иштетүүгө мүмкүнчүлүк түзүлөрүн белгиледи.
