Ноокатта 24 млн сомго спорт комплекси курулууда
Ош облусунун Ноокат районунун Муркут айылында жаңы спорт комплекс курулууда. Долбоор республикалык бюджеттин эсебинен каржыланып, жалпы наркы 24 миллион сомду түздү. Учурда курулуш иштери 98%ге аткарылды. Бул тууралуу Курулуш министрлигинен билдиришти.
Маалыматка ылайык, жаңы спорт комплекстин жалпы аянты 421 чарчы метрди түзүп, Г формасындагы эки блоктон турат. Анда спортчулар үчүн кийим алмаштыруучу бөлмөлөр, ошондой эле волейбол, баскетбол жана футбол боюнча машыгууга жана мелдеш өткөрүүгө ылайыкталган көп функциялуу спорт залы каралган.
Бул долбоор аймакта спорт инфраструктурасын өнүктүрүүгө, калкты дене тарбия жана спорт менен машыгууга шыктандырууга, ошондой эле сергек жашоо образын жайылтууга багытталган.
Жаңы спорт комплекс ушул жылдын аягына чейин пайдаланууга берилет.
