Ат-Башыда мыйзамсыз балык уулаган чет элдиктер кармалды
Арпа жайлоосундагы мыйзамсыз балык уулоо фактысы боюнча Ат-Башы райондук мамлекеттик администрациясында ыкчам кеңешме өттү. Бул тууралуу Ат-Башы райондук мамлекеттик администрациясынын басма сөз кызматы билдирди.
Маалыматка ылайык, Арпа жайлоосунда чет өлкөлүк жарандардын мыйзамсыз балык уулоосу жана жергиликтүү тургундарга карата орой мамиле жасаганы боюнча маселе өзгөчө көзөмөлгө алынды. Аталган факты боюнча тиешелүү мамлекеттик органдарга мыйзам чегинде катуу чараларды көрүү тапшырылган.
Ат-Башы райондук ички иштер бөлүмүнүн кызматкерлери тарабынан мыйзамсыз балык уулаган чет өлкөлүтөр кармалды.
Ошондой эле чет өлкөлүк ишкананын жетекчилиги менен сүйлөшүүлөр жүргүзүлүп, күнөөлүү тараптарга мыйзам чегинде жоопкерчилик жүктөө жана мындай көрүнүштөрдүн кайталанышына жол бербөө, ыкчам жана олуттуу чараларды көрүү боюнча чечим кабыл алынды.
