“Манас” аба майданынын кире бериш бөлүгү бүткөрүлдү
”Манас” эл аралык аба майданынын негизги кире бериши жүргүнчүлөр жана коноктор үчүн расмий түрдө ачылды. Бул тууралуу ”Кыргызстан аэропорттору” ишканасынын жетекчиси Манасбек Самидинов билдирди.
М.Самидиновдун айтымына караганда, кире бериштин ачылышы менен бирге эле аэровокзал комплексинин имаратын масштабдуу жаңылоо иштери кызуу уланууда.
Жаңыланган кире бериш бөлүгү жүргүнчүлөрдүн агымын натыйжалуу бөлүштүрүүгө жана аба майданына кирүүдөгү кезек күтүүлөрдү азайтууга өбөлгө түзөт. Ал эми калган тилкелердеги оңдоо иштери бекитилген графикке ылайык жүргүзүлүүдө.
