Мыйзамсыз балык кармаган чет өлкөлүктөргө айып пул салынды
Арпа өрөөнүндө чет элдик жарандар тарабынан мыйзамсыз балык уулоо фактысы боюнча кармалган 4 чет элдик жарандарга электр балык кармоочу аспап менен мыйзамсыз балык кармаганды үчүн ар бирине 10 000 сомдон, жалпы 40 000 сом өлчөмүндө айып пул салынды.
Жаратылыш ресурстары министрлигинин маалыматына ылайык, жайыт жерлеринде автоунаа менен мыйзамсыз жүргөндүгү үчүн дагы 5 500 сом өлчөмүндө айып пул белгиленди.
Учурда окуя боюнча Ат-Башы райондук ички иштер бөлүмү тарабынан тиешелүү тергөө-иликтөө иштери жүргүзүлүп, материалдар андан аркы мыйзам чегиндеги чараларды көрүү үчүн Улуттук коопсуздук мамлекеттик комитетине өткөрүлүп берилди.
