Бишкектеги “Орто-Алыш” суу топтомосу текшерилди
14-июлда Бишкек шаарынын мэри Айбек Жунушалиев “Орто-Алыш” суу топтомосундагы суу менен камсыздоону жакшыртуу иштеринин жүрүшүн текшерди. Бул тууралуу Бишкек шаардык мэриясынан билдиришти.
Маалыматка ылайык, учурда суу топтомонун аймагында 12 толуктоочу көл иштеп жатат. Быйылкы жылы “Бишкексууканал” муниципалдык ишканасынын өздүк каражатынын эсебинен он экинчи толуктоочу көл курулду, ал объекттеги ири көл болуп саналат. Аны бир айдын ичинде пайдаланууга берүү пландалууда.
Жаңы сиңдирип алуучу көлдүн түзүлүшү жер астындагы суу камдарынжасалма жол менен толуктоо көлөмүн көбөйтүүгө, “Орто-Алыш” суу топтомосунун ишинин натыйжалуулугун жогорулатууга жана борбор калааны ичүүчү суу менен камсыздоо системасынын ишенимдүү иштешин камсыз кылууга мүмкүндүк берет.
“Орто-Алыш” суу топтомосу Бишкек шаарынын жашоочуларынын 40%дан ашыгын ичүүчү суу менен камсыз кылат, ошондуктан анын туруктуу иштеши стратегиялык мааниге ээ. “Бишкексууканал”муниципалдык ишканасынын маалыматына ылайык, бүгүнкү күндө бардык сиңдирип алуучу көлдөр суу менен толук толтурулган, суу ресурстарынын тартыштыгы байкалган жок.
“Алдыда абанын температурасынын жогорулашы күтүлүүдө. Биз шаардыктарды суу менен үзгүлтүксүз камсыз кылышыбыз керек. Көрүлүп жаткан чаралар буга чейин эле оң натыйжаларын берип келген, бирок шаардын сууга болгон муктаждыгы жыл сайын өсүүдө”, – деп баса белгиледи шаар мэри Айбек Жунушалиев.
