Нью-Йоркто Кыргызстан менен Кипрдин тышкы иштер министрлери жолугушту
БУУнун Башкы Ассамблеясынын 81-сессиясынын алкагында Жээнбек Кулубаев Кипрдин тышкы иштер министри Константинос Комбос менен жолугушту. Бул тууралуу министрликтен билдиришти.
Маалыматка ылайык, тараптар эки тараптуу мамилени өнүктүрүү жана саясий диалогду үзгүлтүксүз улантуу маанилүү экенин белгилешти. Кыргыз тарап тышкы саясат мекемелери ортосунда биринчи саясий консультацияларды өткөрүүнү жана келишимдик-укуктук базаны кеңейтүүнү сунуштады.
Соода-экономикалык кызматташтыкка өзгөчө көңүл бурулуп, инвестиция, туризм, айыл чарба, транспорт, энергетика жана IT тармактарындагы өнөктөштүк талкууланды.
Ошондой эле Кыргызстандын Европа Биримдиги менен өз ара аракеттенүүсү жана Кеңейтилген өнөктөштүк келишимин ратификациялоо маселеси каралды.
Жыйынтыгында Кулубаев Кипр тарабын 2027-жылы өтө турган "Бишкек +25" Экинчи Глобалдык тоо саммитине чакырды.
