Нарындагы эт базарлар жана мал союучу жайлар текшерилди
Ветеринардык жана фитосанитардык көзөмөл кызматынын борбордук аппаратынын өкүлдөрү Нарын облусундагы эт базарларда жана мал союучу жайларда ветеринардык-санитардык талаптардын аткарылышы боюнча текшерүү жүргүзүштү. Бул тууралуу Айыл чарба министрлигинен билдиришти.
Маалыматка ылайык, учурда Нарын облусунда 8 эт базары жана 3 мал союучу жай иш алып барууда. Текшерүүнүн жүрүшүндө аталган объектилердин ветеринардык-санитардык абалы, тазалыгы, ветеринардык коштоочу документтердин туура жүргүзүлүшү, ошондой эле мыйзам талаптарынын сакталышы боюнча жеринде түшүндүрүү иштерин жүргүзүп, ветеринардык талаптарды так сактоо боюнча сунуштар жана практикалык кеңештер берилди.
Ошондой эле аныкталган айрым кемчиликтерди жоюу жана объектилерди талаптарга толук шайкеш келтирүү максатында жооптуу тараптарга келерки аптага чейин аткарылууга тийиш болгон тапшырмалар жүктөлдү.
