Каракол капчыгайына унаа менен кирүүгө чектөө киргизилди
21-22-июлда жаап өткөн нөшөрлүү жаандан улам Каракол суусунун деңгээли көтөрүлгөн. Мындан улам Ысык-Көл облусунун Ак-Суу районунун Каракол капчыгайына, “Каракол” Мамлекеттик паркынын буйругунун негизинде унаа менен барууга убактылуу чектөө киргизилди.
ӨКМдин Ысык-Көл облустук башкармалыгынын маалыматына ылайык, мындан сырткары жарандарды, туристтерди аталган аймакка барбай турууга чакырат.
Жеринде Ак-Суу райондук өзгөчө кырдаалдар бөлүмү жана райондук Жарандык коргонуу кызматтары иш алып барууда. Ал эми суунун жээгин бекемдөө иши суунун көлөмү азайганда башталат.
Белгилей кетсек, ӨКМге караштуу Кыргызгидромет 21-25-июлданөшөрлүү жаанга байланыштуу сел жүрүшү жана дарыяларда суунун деңгээли көтөрүлүшү күтүлө тургандыгы тууралуу шашылыш билдирүү тараткан.
