Кытайдан Кыргызстанга күйүүчү майдын алгачкы партиясы келди
Кытайдан Кыргызстанга күйүүчү-майлоочу материалдардын алгачкы партиясы келди.
Эске салсак, буга чейин энергетика министри Алтынбек Рысбеков Кытайдан Кыргызстанга күйүүчү май келерин маалымдаган.
Ошондой эле ал Беларусь менен күйүүчү май импорттоо боюнча келишимдер түзүлгөнүн айткан. Министрдин маалыматына ылайык, күйүүчү майды Россия аркылуу транзит менен алып өтүү маселеси чечилип, Беларустан жөнөтүлгөн бир нече вагон күйүүчү май Кыргызстанга келип жеткен.
Мындан тышкары, Казакстан менен түзүлгөн келишимге ылайык, Кыргызстанга ай сайын 15 миңден 20 миң тоннага чейин мазут жеткирилет. Бул мазут өлкөдөгү мунай иштетүүчү заводдордо терең кайра иштетилип, андан АИ-92 үлгүсүндөгү бензин жана К4, К5 экологиялык стандарттарына жооп берген дизелдик күйүүчү май өндүрүлөт.
