Балыкчыдагы "Келечек" бала бакчасынын жаңы имараты курула баштады
Балыкчы шаарында №7 «Келечек» бала бакчасынын жаңы имаратынын курулушуна мезгил кутусу салынды.
Калаа мэриясынын маалыматына ылайык, курулуш иштери "Ас-Сафа" коомдук фонду менен биргеликте ишке ашырылууда.
Долбоордун алкагында эски имарат толугу менен сүрдүрүлүп, анын ордуна бардык шарттары каралган эки кабаттуу жаңы бала бакча курулат.
Жаңы бала бакча 170 балага ылайыкталып, заманбап эмеректер жана коопсуз оюн аянтчалары менен жабдылары белгиленди.
Мэрия билдиргендей, жаңы имараттын курулушу мектепке чейинки билим берүү мекемелериндеги орун жетишсиздигин азайтууга өбөлгө түзөт.
