Бишкекте уруксаты жок пайдаланылган объекттилерге айып пул салынды
Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаменти тарабынан курулуш объектилери туруктуу негизде көзөмөлдөнүүдө.
Курулуш, архитектура жана турак жай-коммуналдык чарба министрлигинин маалыматына ылайык, Бишкек шаарынын Бөкөнбаев көчөсүндө жайгашкан бир катар объектилер тиешелүү уруксат берүүчү документтерсиз пайдаланылып жаткандыгы аныкталды.
Натыйжада жаран К.Ч. карата акт түзүлүп, 200 000 сом өлчөмүндө айып пул салынды. Ошондой эле аныкталган мыйзам бузууларды жоюу боюнча милдеттүү көрсөтмөлөр берилди.
Мамлекеттик архитектура-курулуш контролдоо департаменти курулуш тармагындагы бардык субъекттерди мыйзам талаптарын, курулуш ченемдерин, техникалык регламенттерди жана коопсуздук талаптарын так сактоого чакырат.
