Айыл чарбасындагы аялдардын ролун күчөтүү маселеси талкууланды
Бүгүн айыл чарба министрдин орун басары Рысгүл Акимжанованын катышуусунда айыл чарбасындагы аялдардын ролун күчөтүүгө багытталган жумушчу жолугушуу өттү. Бул тууралуу министрликтен билдиришти.
Маалым болгондой, иш-чарага фермер аялдар, ишкер айымдар, кооператив жетекчилери жана агросектордун эксперттери катышты.
Жолугушууда аялдардын каржылоого, жер жана суу ресурстарына жетүү, кайра иштетүү, сертификация жана продукцияны сатуудагы көйгөйлөрү талкууланды.
Жыйында Гендердик кеңеш түзүү жана тажрыйба алмашуу үчүн "Агро Айым" аялдар кыймылын түзүү сунушталды. Ошондой эле демилгелерди ишке ашыруу үчүн жумушчу топ түзүү демилгеси көтөрүлдү.
