Өзбекстандан келген гранит плиталардын талаптарга шайкештиги текшерилет
Өзбекстандан келген Хатырчин кенинин гранит ташынан жасалган каптоочу плиталар сертификаттоодон өттү. Бул тууралуу Курулуш министрлигинин басма сөз кызматы билдирди.
Маалыматка ылайык, бул иштерди Курулушта сертификаттоонун республикалык борборунун Түштүк региондук башкармалыгы жүргүздү.
Белгиленгендей, адистер плиталардын белгиленген талаптарга шайкештигин текшеришти. Анын ичинде сырткы көрүнүшү, абалы, таңгактын бүтүндүгү жана эн белгиси, ошондой эле плиталардын саны товардык коштоочу документтердеги маалыматтар менен салыштырышты.
Мындан тышкары, алардан белгиленген тартипте үлгүлөр алынып, лабораториялык сыноодон өткөрүү үчүн жөнөтүлдү.
Лабораториялык сыноолордун жыйынтыгына жараша шайкештик сертификатын берүү же берүүдөн баш тартуу чечими кабыл алынары белгиленди.
с
