Токтогул районунда алимент боюнча 150 миң сом карыз өндүрүлдү
Жалал-Абад облусунун Токтогул районунда алимент боюнча 150 миң сом карыз толугу менен өндүрүлүп, жарандын банктык эсебине которулду. Бул тууралуу Юридикалык жардам кызматынан билдиришти.
Маалыматка ылайык, район тургуну Айнура Курманалиева алимент өндүрүү маселеси боюнча адистерге кайрылган.
Ага Жалал-Абад облусунун Юридикалык жардам кызматынын координатору Садыкжан укуктук жардам көрсөткөн.
Жүргүзүлгөн иштердин натыйжасында карызкор алимент боюнча топтолгон карызын толугу менен төлөдү.
Аталган кызмат жарандардын укуктарын коргоого жана көйгөйлөрүн мыйзам чегинде чечүүгө көмөк көрсөтүүнү улантарын билдирди.
