Президенттикке талапкерлердин шайлоо фонду үчүн эки банк аныкталды
БШК бүгүнкү жыйынында 2027-жылдын 27-январына дайындалган президенттик шайлоого катышкан талапкерлердин шайлоо фонддорунун атайын эсептерин ачуу үчүн "Элдик Банк" жана "АБанк" ААКсын аныктады. Бул тууралуу комитеттен билдиришти.
Маалым болгондой, аталган банктардын жана башка бир катар банктардын мобилдик тиркемелери аркылуу ыктыярдуу кайрымдуулук салымдарын которууга уруксат берилди.
Мыйзамга ылайык, өзүн-өзү көрсөткөн талапкерлер жана саясий партиялар шайлоо өнөктүгүн каржылоо үчүн шайлоо фондун түзүүгө милдеттүү.
Фонд төмөнкү булактардан түзүлөт:
• талапкердин, партиянын өздүк каражаттары;
• жарандар жана юр. жактардын ыктыярдуу салымдары.
Каражаттар БШК аныктаган банктардагы атайын эсепке которулат. Накталай эмес төлөм же касса аркылуу накталай түрдө киргизилет. Анонимдүү салымдарга тыюу салынат.
