Балыкчыда поезд менен келген конокторго коопсуздук боюнча маалымат берилүүдө
Балыкчы шаарында милиция кызматкерлери Бишкек–Балыкчы поезд каттамы менен келген конокторго коопсуздук боюнча түшүндүрүү иштерин жүргүзүүдө. Бул тууралуу Ысык-Көл облустук ички иштер башкармалыгы билдирди.
Балыкчы ШИИБдин кызматкерлери эс алуучуларга коопсуздук эрежелерин сактоо боюнча пайдалуу маалыматтарды берип, маалыматтык китепчелерди таратышууда.
Ошондой эле милиция кызматкерлери шаарга келген конокторго сапаттуу тейлөө көрсөтүүгө жана эс алуу учурунда коопсуздугун камсыздоого өзгөчө көңүл бурууда.
Маалыматка ылайык, иш-чаранын негизги максаты — Балыкчы шаарына келген ар бир коноктун эс алуусун жагымдуу, коопсуз жана эсте каларлык өткөрүүсүнө көмөк көрсөтүү.
