Жалал-Абадда кайырчылык кылган 50дөй адам кармалып, жашаган аймагына жөнөтүлдү
Манас шаарында кайырчылык менен алектенген адамдарды аныктоо жана алдын алуу максатында "Селсаяк тилемчи" аталышындагы рейд өттү. Анын жүрүшүндө 50дөн ашуун адам аныкталып, айрымдарына айып пул салынды.
Манас шаарынын мэриясынан билдиришкендей, шаар көчөлөрү, базарлар, жер алдындагы жана жер үстүндөгү өтмөктөр, ошондой эле лөлү коомчулугунун өкүлдөрү жашаган үйлөр текшерилди.
Жыйынтыгында текшерүү учурунда кармалган лөлү тектүү жарандар өздөрү жашаган аймактарга жөнөтүлдү.
Манас шаардык мэриясынын маалыматына ылайык, кайырчылык менен алектенгендердин басымдуу бөлүгү Ош облусунан келгендер.
