Кызыл-Жолдо 375 орундуу билим берүү мекемесинин курулушу башталды
13-августта Баткен шаарындагы Кызыл-Жол аймактык башкармалыгында 375 орундуу мектептин курулушу башталды. Бул тууралуу аймактык өкүлчүлүктүн басма сөз кызматы билдирди.
Мезгил кутучасын салуу аземине Баткен облусундагы ыйгарым укуктуу өкүл Мамыржан Рахимов, АРИСтин аткаруучу директору Калыбек Жумадылов, Баткен шаарынын мэри Сейтек Кулубаев, облустук жана шаардык мекеме-ишканалардын жетекчилери, жергиликтүү тургундар катышты.
Иш-чарада сөз сүйлөгөн Мамыржан Рахимов жаңы мектеп шаардын билим берүү тармагын өнүктүрүүгө салым кошорун белгилеп, курулуш иштерин сапаттуу жана өз мөөнөтүндө бүтүрүү зарылдыгына токтолду.
Ошондой эле Баткен облусу Коомчулукту өнүктүрүү жана инвестициялоо агенттиги менен кызматташып, аймактын социалдык жактан өнүгүүсүнө багытталган бир катар иштерди ишке ашырып жатканы айтылды.
Билим берүү мекемесинде балдардын билим алуусу үчүн керек болгон бардык заманбап шарттар түзүлөрү белгиленди.
