Нарында Таалай көчөсүнө арык салуу үчүн казынадан 833 миң сом бөлүндү
Нарын шаарындагы Таалай көчөсүнө жаандан улам топтолгон сууларды агызуу үчүн арык салынат. Бул тууралуу калаа мэриясынын басма сөз кызматы билдирди.
Маалыматка ылайык, арык салууга жергиликтүү казынадан 833 миң сом бөлүнгөн.
Учурда "Жашылдандыруу" муниципалдык мекемеси тендерде жеңүүчү болгон ишкана менен келишим түздү.
Мындан тышкары, өткөн жылы асфальт төшөлгөн Таалай көчөсүнүн бузулуп жаткан айрым бөлүктөрүн №41 Жол эксплуатация мекемеси калыбына келтирип жатат.
Аталган иштер жаан-чачын учурунда көчөгө топтолгон сууну өз убагында агызуу жана жолдун абалын жакшыртуу максатында жүргүзүлүүдө.
