Баткенде шамалдан жабыркаган мекемелерге камсыздандыруу кенемтеси төлөндү
Баткен облусунда катуу шамалдан жабыркаган үч объектке кенемте төлөндү. Бул тууралуу Мамлекеттик камсыздандыруу уюмунан билдиришти.
Маалыматка ылайык, Кызыл-Бел айылындагы "Барчын" бала бакчасына 11 479 сом, Төрт-Гүл айыл аймагындагы "Жаңы-Жер" орто мектебине 45 326 сом, ал эми Лейлек райондук Маданият үйүнө 372 196 сом төлөнгөн.
Белгиленгендей, камсыздандыруу кенемтеси келтирилген чыгымдар толук эсептелип жана так баалангандан кийин берилип жатат.
Эске салсак, 27-июнда болгон катуу шамал Баткен аймагындагы бир катар мекемелерге зыян келтирген.
