Ысык-Көлдөн үч күндө 6,8 миң метр синтетикалык тор чыгарылды
Ысык-Көлдөн үч күндө 6800 метр синтетикалык тор жана 140 килограмм таштанды чыгарылды. Бул тууралуу Жаратылыш ресурстары, экология жана техникалык көзөмөл министрлигинин Ысык-Көл регионалдык башкармалыгы билдирди.
11-августта көлдөн 2300 метр синтетикалык тор жана 50 кг таштанды, 12-августта 2000 метр тор жана 40 кг таштанды, 13-августта 2500 метр тор жана 50 кг таштанды алынган.
Министрликтин маалыматына караганда, жыл башынан бери Ысык-Көлдүн акваториясынан 24 300 метр синтетикалык тор жана 650 килограмм таштанды чыгарылган.
Рейддик иштер мындан ары да улантылары айтылды.
