Быйыл өлкөдө 65 айыл чарба чарба кооперативи түзүлдү
2026-жылы республика боюнча жалпы 683 гектар жер аянты менен 65 айыл чарба кооперативи түзүлүп, айыл чарба өндүрүшүнө ишке кирди.
Анын ичинен Баткен облусунда – 4, Нарын облусунда – 6, Чүй облусунда – 10, Ысык-Көл облусунда – 8, Ош облусунда – 17, Жалал-Абад облусунда – 2 жана Талас облусунда 18 кооператив түзүлдү.
Айыл чарба кооперативдерин түзүү жана өнүктүрүү иштери Кыргыз Республикасынын Министрлер Кабинетинин 2023-жылдын 23-августундагы №418 токтому менен бекитилген «Кыргыз Республикасында 2023–2027-жылдарга айыл чарба кооперациясын өнүктүрүү программасынын» алкагында жүргүзүлүүдө.
Негизги максат – майда айылдык товар өндүрүүчүлөрдү өз ыктыяры менен кооперативдерге бириктирип, айыл чарба өндүрүшүнүн натыйжалуулугун жогорулатуу.
