Кадамжайда айыл чарба жарманкеси өтүүдө
Кадамжай шаарында жергиликтүү фермерлер жана жеке ишкерлер, эт-сүт азыктарын, жашылча-жемиштерди жана башка айыл чарба продукцияларын шаар тургундарына жеткиликтүү баада сатышууда.
Кадамжай райондук админстрациясынын маалыматына ылайык, иш-чаранын негизги максаты – калкты сапаттуу жана жеткиликтүү азык-түлүк менен камсыз кылуу, ошондой эле жергиликтүү өндүрүүчүлөргө колдоо көрсөтүү.
Бул иш-чаранын маанилүүлүгү Кыргызстанда органикалык айыл чарбаны өнүктүрүүгө багытталган мамлекеттик саясат менен да үндөшөт. Президенттин 2026-жылдын 11-февралындагы № 40 “Органикалык айыл чарбанын улуттук күнү жөнүндө” Жарлыгы өлкөдө органикалык айыл чарбанын маанисин жогорулатууга, экологиялык жактан таза жана сапаттуу айыл чарба продукциясын өндүрүүнү колдоого багытталган маанилүү кадам болуп саналат.
