Саммитке даярдык: "Бишкек" эркин экономикалык аймагы иретке келтирилүүдө
Алдыда өтө турган Шанхай кызматташтык уюмунун саммитине даярдыктын алкагында "Бишкек" эркин экономикалык аймагынын аймагында мониторинг жүргүзүлдү. Бул тууралуу Инвестициялар боюнча улуттук агенттиктин басма сөз кызматы билдирди.
Маалыматка ылайык, "Ырыс Ордо" конгресс-холлуна жана конок үйлөрүнө жакын жайгашкан аймактын абалы текшерилди.
Белгиленгендей, мониторингдин жыйынтыгында Инвестициялар боюнча улуттук агенттиктин башчысынын орун басары Дамирбек Бикулов ШКУ саммити башталганга чейин бардык иштерди белгиленген мөөнөттө жана толук көлөмдө аяктоо зарылдыгын белгиледи.
Мындан тышкары, жооптуу адамдарга иштердин жүрүшүн туруктуу көзөмөлдөп, сапатына өзгөчө көңүл бурууну тапшырды.
