Аксыда Ак-Терек каналы курулууда
18-августта, Аксы районундагы Ак-Терек каналынын курулушунун жүрүшү жана андагы 2,2 чакырымдык тоннелди казуу иштеринин абалы менен таанышуу болду. Бул тууралуу президенттин өзгөчө тапшырмалар боюнча атайын өкүлү Бакыт Төрөбаев билдирди.
Анын айтымында, президент Садыр Жапаров бул маселеге өзгөчө көңүл буруп, Ак-Терек каналын бүтүрүүнү тапшырган. Президенттин колдоосу жана коюлган так милдеттердин негизинде көп жылдан бери токтоп турган долбоор кайра жанданып, бүгүнкү күндө реалдуу жыйынтыкка жакындады.
Учурда тоннелдин 60 метрге жакын гана бөлүгү калды. Иш ушул ыргагында уланса, 20 күндүн ичинде тоннелди казуу толук аяктайт. Андан кийин бетондоо жана башка инженердик иштер жүргүзүлүп, 2027-жылы канал ишке берилет.
