Кыргыз-өзбек чек арасында “Мамай” өткөрмө пункту курулууда
18-августта Президент Садыр Жапаровдун тапшырмасы менен ишке ашырылып жаткан “Мамай” эл аралык өткөрмө пункту текшерилди. Бул тууралуу президенттин өзгөчө тапшырмалар боюнча атайын өкүлү Бакыт Төрөбаев билдирди.
Маалыматка ылайык, учурда бул посттун ачылышы жана Кербен – Мамай автожолунун курулушу боюнча сүйлөшүүлөр жүрүп жатат. Бул демилге Аксы району үчүн гана эмес, кыргыз-өзбек чек ара аймагындагы соода-экономикалык жана туристтик байланыштарды жаңы деңгээлге чыгарууга чоң мүмкүнчүлүк түзөт.
Өткөрмө пункту ишке кирсе, жергиликтүү эл үчүн коңшу өлкөгө өндүргөн товарларын экспорттоого, туризмди өнүктүрүүгө өбөлгө болот. Өзгөчө Падыша-Ата, Сары-Челек, Кара-Камыш сыяктуу кооз аймактарга туристтердин келүүсү көбөйөт.
