Ысык-Көлдө катуу жаан жаап, сел жүрүшү мүмкүн
20-августта Ысык-Көл облусунда катуу жаан жаашы мүмкүн. Жаандан улам сел жана суу ташкындары жүрүү коркунучу жаралат. Бул тууралуу Өзгөчө кырдаалдар министрлиги билдирди.
Облустун тоолуу жана тоо этектериндеги аймактарында сел жана суу ташкындарынын коркунучу сакталууда.
Жергиликтүү тургундарга жана туристтерге этият болуу – айрыкча капчыгайларда, дарыялардын нугунда же сел өтүүчү каналдардын жанында – ошондой эле тоолуу аймактарга сапарга чыгууда аба ырайынын болжолун эске алуу сунушталат.
