Бишкектин айрым жерлеринде суу токтотулат
20-августта саат 09:00дөн 00:00гө чейин турак жайларга, мектептерге, мектепке чейинки билим берүү мекемелерине, саламаттыкты сактоо мекемелерине, ошондой эле башка социалдык жана өндүрүштүк объектилерге ичүүчү суу берүү убактылуу токтотулат. Бул тууралуу Бишкек шаардык мэриясынан билдиришти.
Суу төмөнкү жерлерде токтотулат:
Чүй проспектиси, Фрунзе көчөсү, Тыныстанов көчөсү, Ч.Айтматов проспектиси Жибек Жолу проспектисинен Ала-Арча суусуна чейин, Турусбеков көчөсү, Баялинов көчөсү, Абдрахманов көчөсү.
Диаметри 325 мм болгон жылуулук тармактарынын суу түтүгүн көчүрүү иштеринин жүргүзүлүшүнө байланыштуу cуу берүү убактылуу токтотулат.
“Бишкексууканал” муниципалдык ишканасы келтирилген ыңгайсыздыктар үчүн кечирим сурайт жана жашоочуларды, уюмдарды ичүүчү сууну алдын ала камдап коюуну суранат.
