Нарында 182 чакырымдан ашык жол жарыктандырылды
Нарын районуна караштуу Эмгек-Талаа жана Хутор-Ак-Талаа айылдарында түнкү жарыктандыруу иштеринин жүрүшү менен ыйгарым укуктуу өкүл таанышты. Бул иштер райондук фонддун эсебинен каржыланып ишке ашууда.
Нарын облустук админстрациясынын маалыматына ылайык, долбоордун алкагында жалпы узундугу төрт жарым чакырым ички жолго жарыктандыруу орнотулуп, учурда иштер 90% аткарылды.
Белгилей кетсек, Нарын районунда жолдордун жалпы узундугу 442 чакырымдан ашык болсо, анын ичинен 182 чакырымдан ашыгы жарыктандырылды. Алдыда бардык айылдардын ички жана айыл аралык жолдорун жарыктандыруу боюнча иштер жүргүзүлүүдө.
