Чет өлкөлүк жарандарга 1,4 миллион сомдон ашык айып пул салынды
Бишкекте миграциялык мыйзамдардын сакталышын текшерүү боюнча “Нелегал” рейди өткөрүлдү. Бул тууралуу УКМКдан билдирди.
УКМКнын маалыматына ылайык, 5-19-августта 156 чет өлкөлүк жаран милиция бөлүмдөрүнө жеткирилген. Жыйынтыгында 97 административдик протокол түзүлүп, 1 млн 148,5 миң сом айып пул салынган.
20-августта өткөн “Нелегал Мото-курьер” рейдинде 48 чет өлкөлүк жаран текшерилип, миграциялык талаптарды жана мототранспортту пайдалануу эрежелерин бузуу фактылары аныкталган. Бул боюнча 322 миң сом айып пул салынган.
Атайын кызмат мыйзамсыз миграция жана чет өлкөлүк жумушчу күчүн мыйзамсыз пайдалануу фактыларын аныктоо боюнча иштер уланып жатканын билдирди
