Кырчын жайлоосундагы мал союучу жайлар текшерилди
VI Дүйнөлүк көчмөндөр оюндарына даярдыктын алкагында Кырчын жайлоосунда ветеринардык көзөмөл жүргүзүлдү. Бул тууралуу Ветеринардык жана фитосанитардык көзөмөл кызматы билдирди.
27-августта кызматтын Ысык-Көл облусундагы регионалдык башкармалыгынын инспекторлору Садыр Аке айыл аймагындагы этношаарчада жайгашкан эки убактылуу мал союучу жайдын ишмердүүлүгүн текшеришти.
Мындан тышкары, Бишкек жана Ош шаарларынан, жети облустан келген өкүлдөр, ошондой эле 72 боз үйдө коомдук тамактануу кызматын көрсөткөндөр менен жолугушуу өткөрүлдү.
Анда ветеринардык-санитардык талаптарды сактоо жана малды атайын белгиленген убактылуу мал союучу жайларда гана союу зарылдыгы боюнча түшүндүрүү иштери жүргүзүлдү.
