22-октябрда Бишкектин айрым райондорунда суу өчүрүлөт
22-октябрда саат 09:00дөн 00:00гө чейин Бишкектин айрым жерлеринде ичүүчү суу убактылуу берилбейт. Бул тууралуу мэрия кабарлады.
Маалымдалгандай, өчүрүү "ХБО" суу топтомосундагы жана шаардык тармактагы оңдоо иштерине байланыштуу.
Өчүрүлүүчү аймак: Шабдан Баатыр - Субан Ата - Анкара - Чыгыш Чоң Чүй каналы - Молдокулов - Ахунбаев - Куйручук - ЧЧК - Курманжан Датка - Анкара - Аламүдүн суусу - Шабдан Баатыр көчөлөрү менен чектелген аймак.
Турак жайларга, мектептерге, бала бакчаларга жана ооруканаларга суу берилбейт. "Бишкексууканал" тургундардан сууну алдын ала камдап алууну суранат.
