Чет өлкөгө жумушка орноштурган мыйзамсыз баракчалар аныкталды

Кыргызстанда чет өлкөгө жумушка орноштуруу боюнча уруксаты жок иш алып барган Instagram аккаунттар аныкталды. Бул тууралуу Эмгек министрлигинен билдиришти.

Маалыматка караганда, министрликке караштуу Чет өлкөлөрдө жарандарды ишке орноштуруу борбору жүргүзгөн мониторингдин жыйынтыгында 5 баракчанын мыйзамсыз жарнама таратканы аныкталган.

Алар:

• lavorokg
• nurpaiz_job
• siu_visa
• visa_hub.kg
• spekup.kg

Аталган аккаунттар тиешелүү уруксат кагаздары жок туруп, жарандарды чет өлкөгө жумушка орноштурууну сунушташкан.

Учурда бардык материалдар укук коргоо органдарына өткөрүлүп берилди.

Борбор жарандарды алданып калбоого чакырып, чет өлкөгө жумушка чыгаар алдында агенттиктин мыйзамдуулугун migrant.kg сайтынан текшерип алууну эскертет. Мыйзамсыз агенттиктер жарандардын өмүрүнө жана коопсуздугуна коркунуч жаратышы мүмкүн.