Ала-Бука районунда 29 айыл таза суу менен камсыздалды
Өлкө башчысы Садыр Жапаров 25-октябрда Жалал-Абад облусуна болгон иш сапарынын жүрүшүндө Ала-Бука районунун 2021–2026-жылдардагы социалдык-экономикалык өнүгүүсүнүн жыйынтыктары менен таанышты. Бул тууралуу президенттин администрациясынан билдиришти.
Маалымдалгандай, Ала-Бука районунда аталган жылдары 29 айыл таза ичүүчү суу менен камсыздалып, 66 чакырымдан ашык жол асфальтталды.
Ошондой эле 2026-жылы райондо 147 ишкана ачылып, 226 жаңы жумуш орду түзүлгөн.
Мындан тышкары, ирригация тармагында бир катар долбоорлорду ишке ашыруу каралууда. Атап айтканда, "Чанач-Сай" суткалык жөнгө салуучу бассейнинин экинчи кезегин жана жаңы "Сумсар-Сай" бассейнин куруу пландалган.
