Кыргызстан менен Катар түз абакаттамдарды ачууну талкуулашты
Министрлер кабинетинин төрагасынын биринчи орун басары Данияр Амангелдиев Катардын соода жана өнөр жай министрлигинин тышкы соода маселелери боюнча мамлекеттик министри Ахмед бин Мохаммед Аль-Саид менен эки тараптуу жолугушуу өткөрдү.
МинКабдан маалымдагандай, тараптар анда эки тараптуу соода-экономикалык жана инвестициялык байланыштарды өнүктүрүү келечегин талкуулашкан.
Өзгөчө товар жүгүртүүнү көбөйтүүгө, биргелешкен долбоорлорду ишке ашырууга жана эки өлкөнүн ишкер чөйрөлөрүнүн өз ара аракеттенүүсү үчүн жагымдуу шарттарды түзүүгө көңүл бурулду.
Тараптар түз аба каттамын өнүктүрүү товар жүгүртүүнү көбөйтүүгө, ишкердик байланыштарды жандандырууга, туристтик агымдарды кеңейтүүгө жана эки тараптуу экономикалык байланыштарды чыңдоого өбөлгө түзөрүн белгилешти.
Ошондой эле тараптар экономикалык, соода жана техникалык кызматташтык боюнча Кыргыз-Катар биргелешкен өкмөттөр аралык комиссиясынын экинчи сессиясын жакынкы аралыкта өткөрүү зарылдыгын баса белгилешти.
Амангелдиев кыргыз тараптын Катар менен кызматташтыкты кеңейтүүгө кызыкдар экенин тастыктап, соода-экономикалык, инвестициялык жана өнөр жай чөйрөлөрүндө өз ара аракеттенүүнүн олуттуу потенциалын белгиледи.
Өз кезегинде Ахмед бин Мохаммед Аль-Саид катар тараптын өз ара пайдалуу кызматташтыкты мындан ары өнүктүрүүгө даяр экендигин билдирди.
Жолугушуу Амангелдиевдин Катарга болгон жумшчу сапарынын алкагында өттү.
