Бишкекте жылуулук менен камсыздоо иши 5 күнгө чейин созулат
Бишкек шаарында 28-октябрдан тарта жылытуу сезону башталат. Учурда муниципалдык "Бишкек ЖЭБ" жана "Бишкекжылуулуктармагы" ишканалары жылуулук берүүгө даяр.
"Бишкек ЖЭБ" мекемеси билдиргендей, имараттар жылуулук берүү тутумуна этап-этабы менен кошула баштайт.
Биринчи кезекте жылуулук мектептерге, бала бакчаларга жана саламаттык сактоо мекемелерине берилип, андан кийин турак үйлөр жана башка объектилер кошулат.
Жылуулук тутумун жөнгө салуу процесси 3 күндөн 5 күнгө чейин созулат.
"Бишкекжылуулуктармагы" ишканасынын адистери жылуулук берүү процессин көзөмөлдөп, жылуулук тармактарынын ишин байкап турушат жана зарылчылык келип чыкса, аныкталган мүчүлүштүктөрдү четтетишет.
