Ош шаарында эки көчө пайдаланууга берилди
Ош шаарында эки ири көчө - Т.Атабаев жана Ы.Монуев көчөлөрү капиталдык оңдоодон кийин ачылды. Бул тууралуу мэриянын басма сөз кызматы кабарлады.
Маалымдалгандай, А.Мамыров көчөсүнөн №47 көчөсүнө чейинки бөлүгү оңдолду. Ачылышка мэр Жанарбек Акаев, шаардык кеңештин төрагасы Болотбек Баетов жана тургундар катышты.
Жалпы узундугу Төлөнов көчөсүнө чейин 2,6 чакырымды түзөт. Реконструкциядан кийин 4 тилкелүү кең жолго айланды.
Ы.Монуев көчөсү толук капиталдык оңдоодон өтүп, кечээ расмий пайдаланууга берилди. Калаа башчысы Жанарбек Акаев жеринен көрүп, аткарылган иштин сапаты менен таанышты.
Шаарга кире бериштен баштап ички көчөлөргө чейин инфраструктураны жакшыртуу жана көрктөндүрүү иштери мындан ары да уланары кошумчаланган маалыматта.
