Ош шаарынын борбору акырындык менен Жапалак айылына көчөт
Ош шаарынын мэри Жеңишбек Токторбаев келечекте шаардын борбору Жапалак айылынын аймагында болорун билдирди.
Эске салсак, 7-ноябрда оңдоо иштеринен соң Көкүм-Бий көчөсү ачылган. Оңдоо иштери өткөн жылдын сентябрь айында башталып аба ырайынын ыңгайсыз шартарынан улам ал убактылуу токтотулуп, кайра быйыл жазында башталган. Реконструкциялоодон кийин жолдун узундугу 3,6 километрге узарып, эни 13 метр болгон.
“Бул жол шаардын түштүк-батышындагы Жапалак айылына алып барат. Ал жерде Ош шаарынын “Жапалак” ири унаа базары бар. Биз акырындап шаар борборун ушул районго алып келүүнү пландаштырып жатабыз. Ири шаарлардын баарында унаа базарлары жана базарлар борбордон алыс жайгашкан. Ошол себептен биз Жапалакты өнүктүрүүгө терең маани берип жатабыз. Кудай буюрса, жазында жаңы соода борборлорунун курулуштарын баштайбыз”,-дейт калаа башчысы.
