УКМК төрагасы К.Ташиев 6 баланын энесине белекке батир берди
Бүгүн УКМК төрагасы Камчыбек Ташиев Каракол шаарынын 51 жаштагы тургуну, 6 баланын энеси Элза Төрөгелдиевага 3 бөлмөлүү батирдин ачкычын тапшырганын Region телеканалы чагылдырды.
6 баланы жалгыз өзү тарбиялап келе жаткан Элза Төрөгелдиева турак жайы жок, балдары менен батирлеп жашап жүргөн. Ал УКМК төрагасы Камчыбек Ташиевге 2025-жылдын декабрь айынын башында кат жолдоп, көмөк көрсөтүүнү суранган.
Жыйынтыгында кыска аралыкта жооп болуп, Ташиев Төрөгелдиевага 3 бөлмөлүү бардык шарттары жана тиричилик эмеректери бар батирдин ачкычын жана документтерин, ошондой эле балдарына чакан белектерди тапшырды.
Өз кезегинде 6 баланын энеси, Камчыбек Ташиевге ыраазычылык билдирип, өз колу менен жасаган белектерин берди.
