Бишкек шаарында 600дөй жер тилкеси көп кабаттуу үйлөрдү курууга берилген –Азамат Кадыров
Бишкек шаарыда 580–600дей жер тилкеси көп кабаттуу турак үйлөрдү долбоорлоо жана куруу үчүн убактылуу ижарага берилгенин 30-мартта мэриянын орун басары муниципалдык мүлк, жер маселелери, шаар куруу жана архитектура боюнча Бишкек шаардык кеңешинин туруктуу комиссиясынын жыйынында билдирди.
Анын айтымында, бул жерлердин болжол менен 40%ы пайдаланууга берилген, калган бөлүгү азыр иштелип чыгуу баскычында, айрым жерлер болсо пайдаланууга алынган эмес.
Казыбек Эргешов белгилегендей, "пайдаланылган" жерлер деген курулушу бүткөн тилкелерди түшүндүрөт. Мэриянын орун басары курулган объектилер жөнүндө сөз болуп жатканын ырастады.
Мындан тышкары, мындай объекттердин арасында 10–15 жыл мурда курулган үйлөр бар экени белгиленди. Мэриянын маалыматына караганда, эң алгачкы үйлөр 2007–2008-жылдары пайдаланууга берилген.
Кадыров кошумчалагандай, мындай жер тилкелер үчүн ижара төлөмдөрү төлөнүп келет.
