Кумтөр ашпозчулары Gastro Antalya фестивалында 5 алтын, 1 күмүш, 1 коло медалга ээ болушту
Түркиянын Анталия шаарында өткөн фестивалда "Кумтөр Голд Компани" ишканасынын ашпозчулар командасы алдыңкы орундарга татыктуу болушканын компаниянын маалыматына таянып “Кабар” агенттиги жазды.
Компаниядан билдиришкендей, Gastro Antalya деп аталган гастрономиялык фестивалда кыргызстандык ашпозчулар 5 алтын, 1 күмүш, 1 коло медалга ээ болушкан.
Анын ичинен "Кумтөр Голд Компанинин" су-шеф ашпозчусу Александр Ипатов үч алтын, наабайчы Асел Жумашова жана ашпозчу Фарух Ниязовдор дагы алтын алып, фестивалдын жогорку тепкичине көтөрүлүштү. Командага күмүш медалды ашпозчу Жаныбек Калдыбай уулу алып келсе, ал эми коло медалды ашпозчу Керез Бектурова утуп алган.
Кумтөрдүн коомдук тамактануу бөлүмүнүн ашпозчулары жыл сайын эл аралык фестиваль, сынактарга катышып келе жатышканы да айтылат маалыматта.
