Экономика

"Кыргызкөмүр" ААКы былтыр көмүр өндүрүшүн 1 млн 385 миң тоннага жеткирди

Мелис Совет уулу

12 мар. 2026 14:23

Кыргызстандагы көмүр өндүрүшүнүн жалпы көлөмүнүн болжол менен 30%ын камсыз кылган "Кыргызкөмүр" мекемеси 2025-жылы 1 млн 385 миң тонна көмүр өндүргөнүн мекеменин басма сөз кызматы билдирди.

Бул көрсөткүч 2021-жылга салыштырмалуу дээрлик эки эсеге көп. Ошондой эле кыртыш ачуу иштеринин көлөмү 9 млн 700 миң куб метрди түзүп, пландан 20%дан ашык ашыгы менен аткарылган.

2025-жылы ишкана беш жаңы көмүр кенин ачып, алардын жалпы баланстык корлору(запастары) 133 млн тоннадан ашты. Учурда көмүр казуу иштери сегиз участокто тогуз лицензиянын негизинде жүргүзүлүүдө.

2025-жылдын финансылык жыйынтыктары боюнча ишкана 511 млн сомдон ашык таза пайда көрдү. Ички рынокту камсыздоо максатында Бишкек шаарынын ЖЭБине 587 миң тонна көмүр жеткирилген. Учурда ишкана өндүргөн көмүрдүн 40%дан ашыгы борбор калаанын жылуулук-энергетикалык муктаждыктарына багытталууда.

Мындан тышкары, техникалык базаны жаңылоо иштери улантылып, жыл ичинде 46 даана тиешелүү техника сатылып алынды. Кара-Кече кен жайында эки мобилдик сорттоочу комплекс ишке киргизилди.

2025-жылы "Кыргызкөмүр" мамлекеттик ишканасы кайра уюштурулуп, "Кыргызкөмүр" ачык акционердик коомуна айландырылды. Ошол эле учурда акциялардын 100%ы мамлекеттин менчигинде сакталды.

Жыл жыйынтыгы боюнча ишкана 511 млн сомдон ашык таза пайда тапты.

2026-жылы ишкана көмүр өндүрүшүн көбөйтүп, ресурстук базасын кеңейтүүнү улантат. Жыл аягына чейин Ош жана Жалал-Абад облустарында жаңы көмүр участокторун ишке киргизүү пландалып жатат.

Мындан тышкары окуңуз

Садыр Жапаров мектептердеги китеп маселесин чечүүгө Жарлыкка кол койду

Кыргызстанда көп жылдан бери чечилбей келген окуу китептеринин жетишсиздиги жана сапаты боюнча чечкиндүү кадам жасалды. Президент Садыр Жапаров "Жалпы билим берүү уюмдарын окуу китептери менен камсыздоо боюнча кечиктирилгис чаралар жөнүндө" Жарлыкка кол койду. Документке ылайык, бул максатка мамлекеттик бюджеттен 8 миллиард 500 миллион сом каралат. Бул соңку жылдардагы

Чүйдө 10 миңден ашуун абонент жарыктан ажыратылат

Чүй электр тармактары ишканасы абоненттерди электр энергиясы үчүн төлөмдөрдү өз убагында төлөөнү эскертти. Бул тууралуу аталган ишканадан билдиришти. Маалыматка ылайык, 28, 29 жана 30-сентябрда АИСКУЭ эсептегичтери Чүй облусунда карызы бар 10 миңден ашуун абонентти аралыктан өчүрөт. Балансты ишкананын сайтындагы "Абоненттин балансы" бөлүмүнөн же "Мой свет» тиркемеси

Нью-Йоркто Кыргызстан менен Гаити ортосунда тарыхый документке кол коюлду

25-сентябрда Нью-Йоркто БУУнун Башкы Ассамблеясынын 81-сессиясынын алкагында Кыргызстандын Тышкы иштер министри Жээнбек Кулубаев менен Гаитинин Тышкы иштер министри Райна Форбен жолукту. Бул тууралуу министрликтен билдиришти. Маалымдалгандай, жолугушууда эки өлкө ортосунда дипломатиялык мамилелерди түзүү жөнүндө Биргелешкен коммюникеге кол коюлду. Министр Кулубаев Кыргызстан Латын Америкасы жана Кариб бассейни өлкөлөрү,

Көңүл буруңуздар! Бишкектин айрым жерлеринде 1-октябрда суу токтотулат

1-октябрда саат 09:00дөн 19:00гө чейин Бишкек шаарынын Калыс-Ордо конушунда ичүүчү суу убактылуу токтотулат. Бул тууралуу мэриянын басма сөз кызматы кабарлады. Маалыматка ылайык, "Калыс-Ордо-1" жана "Калыс-Ордо-2" суу топтомосунда жана шаардык тармактарда оңдоо иштери жүргүзүлөт. Ушуга байланыштуу турак үйлөргө, мектептерге,