"40 райондон 40 демилге" долбоорунан 8 адам жеңүүчү болду
Илим, жогорку билим берүү жана инновациялар министрлигинин "40 райондон 40 демилге" долбоорунун финалдык иш-чарасы өттү. Анда 8 мыкты демилгечи аныкталып, аларга тастыкталган сертификаттар тапшырылганы маалым болду.
Инновациялык демилгелер:
- Илхомжон Асанбаев - "Инклюзивдүү технология";
- Баатыр Акматов - "ЭФИ" жылуулук генераторун жасап чыгаруучу чакан ишкана уюштуруу;
- Алеся Вдовкина - "Мээримдүү эненин жолу";
- Улан Канат уулу - "AiDos. Санарип платформа".
Стартаптар:
- Оомат Торомаматов - "Сидбол топчолорун даярдоонун жана таратуунун автоматташтырылган системасы";
- Гульжан Самиева - "АФК борбору";
- Айдарали уулу Эрнист - "Гидропоника";
- Гульжамал Саматова "Жүндү жана терини кайра иштетүү аркылуу кыргыздын улуттук буюмдарын жасоо жана эл арасына жайылтуу жана жаштарга үйрөтүү".
2025-жылдагы тандоого өлкөнүн бардык аймактарынан 209 өтүнмө түшкөн. Алардын ичинен өндүрүш, тейлөө, айыл чарба, билим берүү, IT, туризм жана чийки заттарды кайра иштетүү тармактары боюнча 30 долбоор алдын ала тандалып алынган.
Жобого ылайык, ар бир мыкты инновациялык демилгенин жеңүүчүлөрүнө — 500 миң сом, ал эми мыкты стартап демилгеси үчүн — 1 млн сом акчалай колдоо каралган.
