Россияда улуу жазуучу Чыңгыз Айтматовго арналган медаль чыкты

Ишкер Media

20 дек. 2025 15:28

Россияда улуу кыргыз жазуучусу Чыңгыз Айтматовго арналган уникалдуу эстелик медаль жасалганын "Российская газета" басылмасы кабарлады.

Медаль "Дубровин" куюу үйүндө 999-сыноодогу таза күмүштөн жасалган. Медалдын бет тарабында Чыңгыз Айтматовдун профили жана анын белгилүү "Кылым карытар бир күн" романынын аталышы чегилген.

21 нускадан турган алгачкы партиясы Чыңгыз Айтматов фондусуна өткөрүлүп берилди. Белгиленгендей, бул медалдар маданият, искусство жана коомдук турмуштагы белгилүү инсандарга тапшырылат.

Алгачкы медалдарды "Российская газета" басылмасынын Борбор Азиядагы өкүлчүлүгү, Бишкектеги Орус үйүнүн жетекчиси Альберт Зульхарнеев жана Кыргыз-Россия Славян университетинин ректору Сергей Волков алышты.

Мындан тышкары, Москва шаарында Чыңгыз Айтматов фондусунун Россиядагы филиалынын салтанаттуу ачылышы болуп өттү. Иш-чаранын алкагында күмүш медалдар режиссёрлор Андрей Кончаловскийге жана Никита Михалковго, киносынчы Андрей Золотовго, актриса Наталия Аринбасаровага, ошондой эле КРнын Россиядагы элчиси Кубанычбек Боконтаевге дипломатиялык өкүлчүлүктүн музейинин коллекциясы үчүн тапшырылды.

Басылманын белгилешинче, бул долбоор Чыңгыз Айтматовдун адабий мурасына болгон терең урмат-сыйдын белгиси гана болбостон, Кыргызстан менен Россиянын ортосундагы маданий байланыштарды чыңдоонун символу болуп саналат.

Мындан тышкары окуңуз

Кыргызстандын, Кытайдын курулуш материалдарын чыгарган компаниялары жолугушту

Экономика министрлигине караштуу Кытайдагы Соода өкүлчүлүгү Үрүмчү шаарында Курулуш министрлиги менен биргеликте кыргызстандык жана кытайлык курулуш материалдары боюнча компаниялардын жолугушуусун уюштурганын Экономика министрлиги маалымдады. Ведомствонун маалыматына ылайык, иш-чарага түз жеткирүүлөрдү жолго коюу жана курулуш материалдарын жаңыртуу маселелерин карап жаткан 30дан ашуун ири кыргыз курулуш жана девелопердик компаниялардын өкүлдөрү катышты. Кытай

Быйыл авикаттамдар менен дүйнө жүзүндө 5 млрд адам учкан

2026-жылы аба каттам жүргүнчүлөрүнүн саны жаңы рекорддук деңгээлге жетип, 5,2 миллиарддан ашат. Эл аралык аба транспорту ассоциациясынын (IATA) жаңы баяндамасына ылайык, 2025-жылы дээрлик 5 миллиард адам авиакаттамдар менен учкан. Божомолдорго караганда, келерки жылы тармак өсүшүн улантып, дүйнөлүк жүргүнчүлөр агымы 4,4%га көбөйөт. Натыйжада жүргүнчүлөрдүн жалпы саны 5,2

КУЭТ 370 млн сомго күйүүчү-майлоочу материалдарды сатып алууга тендер жарыялады

"Кыргызстандын Улуттук электр тармагы" ААК (КУЭТ) өз ишмердүүлүгүн камсыз кылуу үчүн күйүүчү-майлоочу материалдарды сатып алууга тендер жарыялаганы мамлекеттик сатып алуулар порталында маалымдалды. Маалыматка ылайык, сатып алуу стандарттык форматта жүргүзүлүп, күйүүчү майды өлкө аймагындагы автоунаа май куюучу жайлардын (АЗС) тармагы аркылуу жеткирүү каралган. Пландалган чыгымдардын жалпы суммасы 370,2

Ысык-Көлдөн 2023-жылдан бери 43 миң тоннадан ашык таштанды алынды

2023-жылдан бери Кыргызстанда Ысык-Көлдөн 43 миң тоннадан ашык таштанды жана 400 километрден ашык балык уулоочу торлор чыгарылганын Өзгөчө кырдаалдар министрлиги (ӨКМ) маалымдады. Президент Садыр Жапаровдун тапшырмасы боюнча ӨКМге караштуу Суучулдар кызмат борборунун суучулдары көлдү тазалоо иштерин жүргүзүп жатышат. "Бул убакыт аралыгында көлдүн түбүнүн бир миллион гектардан ашык аянты текшерилип,